“Naxçıvansığorta” ASC-nin hüquqi şəxslərə təklif etdiyi avtonəqliyyat vasitələrinin könüllü sığortası (KASKO) yol-nəqliyyat hadisəsi, yanğın, üçüncü şəxslərin qərəzli hərəkətləri və digər gözlənilməz risklər nəticəsində dəyən maddi zərərlərə qarşı sığorta təminatı verir.

HÜQUQİ ŞƏXSLƏRƏ TƏQDİM EDİLƏN AVTONƏQLİYYAT VASİTƏLƏRİNİN KASKO SIĞORTASINI NƏ ÜÇÜN ALMALIYAM?

Çünki artıq həyatımızı avtomobilsiz təsəvvür edə bilmədiyimiz kimi, yol-nəqliyyat hadisələrinin qaçınılmaz olduğunu da qəbul etməliyik.

Yol-nəqliyyat hadisəsi ilə üzləşdiyiniz zaman “Naxçıvansığorta”ASC-nin yanınızada olacağından əmin ola bilərsiniz.

 Sığorta təminatı:

Sığorta şəhadətnaməsində nəzərdə tutulduğu hallarda, aşağıdakı risklər nəticəsində dəyən ziyan və zərərlərə təminat verilir:

1. Toqquşma – istər hərəkət halında, istərsə də hərəkətsiz vəziyyətdə olan avtonəqliyyat vasitəsinə sığortalı və ya səlahiyyətli sürücüdən asılı olmayaraq gözlənilməz və xarici təsirlər nəticəsində sabit və ya hərəkətli bir cismin toxunması, avtonəqliyyat vasitəsinin belə cisimləri vurması, aşması, düşməsi nəticəsində dəyən zərər və ziyanlar;
2. Oğurlanma - avtonəqliyyat vasitəsinin və ya onun hissələrinin oğurlanması və ya oğurlanmasına təşəbbüs nəticəsində avtonəqliyyat vasitəsinə dəyən zərərlər;
3. Yol nəqliyyat hadisəsi - yollarda, küçələrdə, meydanlarda, dəmiryol keçidlərində nəqliyyat vasitələrinin hərəkəti prosesində baş verən və adamların həlakına və ya müxtəlif dərəcəli bədən xəsarəti almasına, heyvanların və ya hərəkətsiz maneənin vurulmasına, nəqliyyat vasitələrinin, yolların, qurğuların zədələnməsinə və ya başqa maddi zərər dəyməsinə səbəb olan hadisədir.  Belə hadisə nəticəsində nəqliyyat vasitəsinə dəyən zərər və ziyanlar;
4. Üçüncü şəxslərin qərəzli hərəkətləri nəticəsində dəyən ziyan – Üçüncü şəxslərin avtonəqliyyat vasitəsinə qəsdən vurduğu ziyan və zərərlər.

Əlavə sığorta haqqı müqabilində və sığorta şəhadətnaməsində qeyd olunmaqla aşağıdakı risklərə təminat verilə bilər:

1. Azərbaycan Respublikasının sərhədlərindən kənarda meydana gələn ziyan və zərərlər;
2. Tətil, iğtişaş, xalq hərəkatları və bunların qarşısının alınması və ya yatırılması məqsədilə keçirilən inzibati və ya bu kimi hər hansı digər tədbirlər nəticəsində dəyən ziyan və zərərlər;
3. Hər hansı təbii fəlakətlər nəticəsində dəyən ziyan və zərərlər;
4. Nəqliyyat vasitəsi hadisə baş verdiyi və ya sığorta müqaviləsinin qüvvədə olduğu müddət ərzində hər hansı gəlir əldə etmək məqsədilə və ya ictimai nəqliyyat vasitəsi (taksi və ya avtobus) kimi istifadə olunarkən baş verən ziyan və zərərlər;
5. Avtonəqliyyat vasitəsində müvafiq qaydalara əməl etməklə və daşınmasına qanunla icazə verilən partlayıcı, tez alovlanan və yandırıcı maddələrin daşınması zamanı avtonəqliyyat vasitəsinə dəyən ziyan və zərərlər;
6. Müsabiqə və ya yarışlarda iştirakı, məşq və ya təlim zamanı avtonəqliyyat vasitəsinə dəyən ziyan və zərərlər;
7. Sığorta şəhadətnaməsində göstərilən avtonəqliyyat vasitəsinə sonradan quraşdırılmış və həmin avtonəqliyyat vasitəsinin istehsal komplektinə daxil olmayan hər cür səs, telefon, görüntü cihazları və digər aksessuarlara dəyən ziyan və zərərlər;
8. Əyilmə, dеşilmə, kəsilmə və ya cırılma nəticəsində şinlərin zədələnməsi.

Sığorta təminatından istisnalar Sığorta Qaydalarında daha ətraflı izah olunub.

Aşağıdakı forma ilə sorğunu göndərin, biz Sizinlə əlaqə saxlayaq.