Əmlak - maddi obyekt və malik olduğunuz əşyalardır ki, sahibi və ya onun etibar etdiyi tərəf onları istifadə və ya idarə edə bilər. Şəxsin və ya təşkilatın əmlakı binalar, təsərrüfat tikintiləri, qaraj, su anbarları, yanacaq anbarı kimi əlavə tikililər, mebel, geyim, soyuducu avadanlıq, nağd pul, qiymətli kağızlar, bütün növ zinət əşyaları, və s.-dən ibarət ola bilər.

 

NƏ ÜÇÜN ƏMLAK SIĞORTASI ALMALIYAM?
Çünki Əmlak sığortası, dəymiş zərərə görə əmlak sahiblərinin (vətəndaşların, müəssisələrin və s.) bütün maraqlarını qoruyur. Bu sığorta məhsulunu əldə etməklə Siz, sığorta hadisəsi baş verdikdə ortaya çıxan maliyyə problemlərini əvvəlcədən həll etmiş olursunuz.

 
SIĞORTA TƏMİNATI:
Yanğın - alovlanma mənbəyindən asılı olmayaraq maddi ziyan vuran yanma, o cümlədən yüksək temperaturun, yanğın məhsullarının, eləcə də yanğının söndürülməsi üçün istifadə olunmuş su, köpük və digər vasitələrin təsiri, habelə yanğının birbaşa təsiri.
İldırım vurması - ildırımın sığortalanmış əmlakı birbaşa vurması ildırım vurması sayılır.
Partlayış - qazların genişlənməyə meylliliyi nəticəsində böyük həcmdə enerjinin qısa müddət ərzində məhdud ölçülü məkandan sürətlə çıxaraq azad olması prosesi.

 

Aşağıdakı hadisələrə görə dəyən zərərlər əlavə razılaşmaya uyğun olaraq və əlavə sığorta haqqı ödəmək şərti ilə sığorta təminatına daxil edilə bilərlər:
Tətil, lokaut (qarşısıalınma tədbirləri), iğtişaş və xalq hərəkatları və bunların qarşısınınalınması üçün görülən tədbirlər;

 

  • Terror;
  • Zəlzələ və vulkan püskürməsi;
  • Qar ağırlığı;
  • Sel və su basması, daşqın (açıq havada olan daşınar əmlaka, hasarlara və darvazalara dəyən zərərlər istisna olmaqla);
  • Yer sürüşməsi;

Fırtına, tufan, qasırğa (açıq havada olan daşınar əmlaka, hasarlara və darvazalara dəyən zərərlər istisna olmaqla). Tufan dedikdə Bofort şkalası üzrə gücü 8 baldan aşağı olmayan (yəni küləyin sürəti saatda 60 kilometrdən az olmayan) və hava şəraiti nəticəsində əmələ gələn hava axınları nəzərdə tutulur;
  • Daxili su;
  • Tüstü;
  • Avtonəqliyyat vasitələrinin sığortalanmış obyektə dəyməsi;
  • Su nəqliyyatı vasitələrinin sığortalanmış obyektə dəyməsi;
  • Hava nəqliyyatı vasitələrinin sığortalanmış obyektə dəyməsi.

Qanunsuz daxil olmaqla oğurluq və ya oğurluğa cəhd riski üzrə təminat sığortalanmış əmlakın oğurluğu və ya oğurluğa cəhd zamanı binalara, avadanlıqlara və ya qurğulara dəymiş zərəri əhatə edir.

 

ƏMLAKIN YANĞINDAN VƏ DİGƏR ƏLAVƏ RİSKLƏRDƏN SIĞORTASINI NECƏ ƏLDƏ EDİM ?

Əmlakın yanğından və digər əlavə risklərdən sığortasını əldə etmək üçün +994 (36) 550 39 99 nömrəsinə zəng vurmaq yaxud a.babayev@naxcivansigorta.az adresinə müraciət forması göndərmək kifayətdir - bizim mütəxəssislər mütləq Sizinlə əlaqə saxlayacaq və Sizi maraqlandıran bütün sualları cavablandıracaqlar.

Aşağıdakı forma ilə sorğunu göndərin, biz Sizinlə əlaqə saxlayaq.

Xahiş olunur bütün sahələri doldurun
Xahiş olunur bütün sahələri doldurun
Xahiş olunur bütün sahələri doldurun
Xahiş olunur bütün sahələri doldurun
Xahiş olunur bütün sahələri doldurun